I te 30 o Noema 2016, ka tīmata te Hea o te Rōpū Whakamana i Te Tiriti o Waitangi, a Kaiwhakawā Matua Wilson Isaac, i te Ruku Tātari Ratonga me ngā Putanga Hauora (Wai 2575). He wāhanga te ruku tātari o te hōtaka ruku tātari ā-kaupapa o te Rōpu Whakamana i te Tiriti o Waitangi, ā, ka rongo i ngā kerēme e toe ana ki ngā nawe e hāngai ana ki ngā ratonga me ngā putanga hauora, ā, he hira ā-motu.
Kua whakahuatia e te Hea ngā mea ka kapi i te ruku tātari, ētahi o ngā take i whakarewahia e ngā kerēme, ā, e whakarato ana i ngā mōhiohio ko ēhea ngā kerēme e whai wāhi atu ki te ruku tātari. Ināianei ko tōna 100 kerēme i tautuhia he māraurau mō te ruku tātari. Ka rangona e te Taraipiunara ngā kaikerēme katoa e toe ana i āta tautuhi i ngā nawe hāngai ki te hauora māraurau i roto i ō rātou tauākī kerēme me te whakamōhio mai mēnā kua whakaaro rātou ki te whai wāhi mai ki te ruku tātari.
Manatu-Whakahau a te Mana Whakahaere i te Tīmatanga o te Ruku Tātari