I konei e whakaatuhia ana te PĀNUI kua tīmata te Rōpū Whakamana i Te Tiriti o Waitangi i te ruku tātari ā-kaupapa ki ngā kerēme e pā ana ki te Marine and Coastal Area Act 2011 (te Ture MACA). Kua whakaritea te wā whakamutunga kia whakakōnaetia te kerēme hou, panoni rānei e kimi ana kia whai wāhi atu ki tēnei ruku tātari.
Rā: Wenerei te 20 o Hune 2018
Wā whakamutunga: 12:00pm
Ki: Te Rēhita
Te Wāhanga o te Rōpū Whakamana i Te Tiriti o Waitangi
Taumata 7, 141 The Terrace,
Te Whanganui-a-Tara
DX SX 11237
WT.Registrar@justice.govt.nz
He aha te Ruku Tātari mō te Takutai Moana (Marine and Coastal Area)?
Ko te ruku tātari ā-kaupapa he nohoanga mō ngā kerēme e hāngai ana ki tētahi take hiranga ā-motu e āhua ōrite ai te pānga ki ngāi Māori katoa, tētahi wāhanga rānei o ngāi Māori puta noa i Aotearoa.
Ka urupare te Ruku Tātari mō te Takutai Moana i ngā pātai matua e rua:
1. He aha te whānuitanga e hārakiraki ana te Ture MACA me te kaupapahere me te tikanga a te Karauna ki te Tiriti, mēnā e hārakiraki ana, i te whakahaumaru i te āheinga o ngā kaipupuri Māori i ngā mōtika moana, takutai hoki kia whakanonoi me te whakahaere i aua mōtika?
2. I raro i te tirohanga Tiriti, ka pāngia whakahāweatia rānei ngā kaipupuri Māori i ngā mōtika moana, takutai hoki e ngā whakaritenga tukanga me ngā rauemi e whakaratoa ana e te Karauna i raro i te Ture MACA, ina kimi ana i te āhukahukatanga o ō rātou mōtika?
Ka tū te hui ā-kaiwhakawā kia tīmata te ruku tātari i te Tāite te 5 o Āperira 2018 i te Wāhanga o te Rōpū Whakamana i Te Tiriti o Waitangi ki Te Whanganui-a-Tara. I muri iho i tēnei, i whakaputaina ngā kupu whakahau-manatu o te Mana Whakahaere, a Kaiwhakawā Armstrong e whakahau ana i ētahi rā whakatakoto hei whāinga mā ngā hunga. Ka taea te tārua o tēnei whakahau i te paetukutuku o te Rōpū Whakamana i Te Tiriti o Waitangi (www.waitangitribunal.govt.nz) mā te tuku īmēra rānei ki WT_Requests@justice.govt.nz. Tēnā tohutorongai Wai 2660, tuhinga #2.5.16.
Me pēhea au e kite i ētahi atu mōhiohio?
Ka taea ngā mōhiohio mō tēnei ruku tātari te whiwhi i:
Brianna Boxall
Inquiry Facilitator for Wai 2660
Waitangi Tribunal Unit
Ph:(04) 914 3064
Brianna.Boxall@justice.govt.nz
Kei Te Whanganui-a-Tara i te 14 o Mei 2018
Helayna Seiuli
Mō te Kairēhita
Te Rōpū Whakamana i Te Tiriti o Waitangi