Kei aku iti, kei aku rahi, kei ngā ma ta waka o te motu, tēnā koutou
I te Paraire te 1 o Hepetema, i pānui te Hōnore Nanaia Mahuta, Minita Tuarua o te Whanaketanga Māori i te kopounga o Kaiwhakawā Matua Fox hei Hea o te Rōpū Whakamana i Te Tiriti o Waitangi.
He uri a Kaiwhakawā Matua Fox nō Ngāti Porou me Rongowhakaata, me ngā tātai ki Te Whānau-a-Apanui. Ko ia te kaiwhakawā tuarima kia kopoua hea Hea o te Rōpū Whakamana i Te Tiriti o Waitangi. Ka whai muri ia i a Kaiwhakawā Matua Kenneth Gillanders Scott, Kaiwhakawā Taihakurei Durie, Kaiwhakawā Joe Williams me Kaiwhakawā Matua Wilson Isaac.
E whakapakarihia ana te hautūtanga a Kaiwhakawā Matua Fox i te Taraipiunara e Kaiwhakawā Sarah Reeves. Ka whakamana te Hea ka haere tonu tana tūnga hei Kaiwhakawā Matua Tuarua o te Rōpū Whakamana i Te Tiriti o Waitangi.