He kiromita noa i te pokapū o te tāonenui o Tāmakimakaurau, tērā te whenua e kīia nei ko te poraka o Ōrākei, he motuhake te hiranga ki ngāi Māori me tauiwi hoki.
I waenga i te Whanga o Hobson me te Whanga o Mission, kei roto ko te paenoho o Ōrākei, Te Whanga o Ōkāhu, te Domain o Ōrākei, te Whakamaharatanga ki a Savage, me Takaparawhā.
He nui ngā kōrero i te hītori o tēnei whenua mō te waihangatanga o te tāonenui o Tāmakimakaurau. He nui rawa te utu i utu ai Ngāti Whātua ki Ōrākei, te hapū Māori i pupuri i te whenua i mua i te wā i ngaro ai i a rātou. E āwhina ana te kōrero o te whenua ki Ōrākei i a mātou kia mārama ki te tikanga o te puritanga whenua ā-iwi ki ngāi Māori.